តារាម៉ូដែល និងសម្ដែង Meghan Markle បានចាប់ផ្ដើមល្បីឈ្មោះក្រោយពេលនាងចូលរួមសម្ដែងក្នុងរឿងភាគ "Suits” និយាយអំពីការកាត់ក្ដី។ ក៏ប៉ុន្តែអ្វីដែលគួរឲ្យចាប់អារម្មណ៍បំផុតនោះ គឺគូដណ្ដឹងរបស់ព្រះអង្គម្ចាស់ Harry ពេលនេះធ្លាប់ជាតារាម៉ូដែលកាន់ប្រអប់លុយក្នុងកម្មវិធី ព្រម ឬមិនព្រម (Deal or No Deal)។
តារាម៉ូដែល វ័យ ៣៦ ឆ្នាំរូបនេះបានចូលរួមធ្វើជាអ្នកកាន់ប្រអប់លុយកម្មវិធី Deal or No Deal ក្នុងអំឡុងឆ្នាំ ២០០៦ និង ២០០៧ ពោលគឺ១០ឆ្នាំមុនពេលនាងបានជួបព្រះអង្គម្ចាស់ Harry។
នៅក្នុងកិច្ចសម្ភាសន៍មួយកាលពីឆ្នាំ ២០១៣ ជាមួយទស្សនាវដ្ដី Esquire តារារូបនេះបានសារភាពថា ខណៈនាងព្យាយាមចូលសម្ដែងសម (Audition) សម្រាប់តួអង្គផ្សេងៗ នាងត្រូវសម្រេចចិត្តចូលធ្វើការងារនេះ ដើម្បីទប់ទល់នូវការចំណាយផ្សេងៗរហូតនាងមានសមត្ថភាពរកការងារជាតួសម្ដែងបាន។
Meghan ក្នុងរឿងភាគ "Suits"
ក្នុងរយៈពេលមិនយូរប៉ុន្មាន នាងក៏មានឱកាសបានសម្ដែងជាតួអង្គសំខាន់មួយក្នុងស៊េរីរឿងភាគ "Suits” ដែលទទួលការពេញនិយមយ៉ាងខ្លាំង។
Meghan និងព្រះអង្គម្ចាស់ Harry បានចាប់ផ្ដើមទាក់ទងគ្នាប៉ុន្មានខែនេះ ហើយពួកគេបានភ្ជាប់ពាក្យរួចជាស្រេចហើយ ដែលនឹងចូលការឆាប់ៗនេះ៕
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon